2015.7.24 學習順其自然

沒錯，現在所有事都要闊佬懶理，除非燒到自己嗰疊，否則我不會理咁多，現在只等去旅行、調職、公屋、升aco，其他野就話之佢，總之每日著靚衫、扮靚返工，早睡，拉筋，晤理3721！

2016.6.25放鬆

每日凡遇到唔開心的事，我首先要深呼吸冷靜，怒火要消的話，喊一場不是壞事，但喊完後要堅強，再念菩薩經，對著鏡子加持，幻想自己行好運，笑著的，還有要笑，表情要開心，回家後要拉筋，目標係要靚要做到一字馬，其他事就唔好再想！加油！

2015.6.10

經過半日自我安慰，入正位機會就一定好微了，賤賓唔幫我爭取，算！做替假咪替假囉，我要報復，頂Q晒你地兩條pk食飯，1個鐘都唔俾你兩個賺，變左食飯賺鐘由我控制我話事，仲有，返n我揾地方閃，匿埋唔喺票房，四圍行四圍巡，匿喺辦事處做拉筋上網讀書，其實諗諗下都係好事，否則我成世都未作得出考aco編文！

返n就咁決定，仲要放正假期，大細鐘ot我全部唔要囉，挑！最重要係個refumd俾埋條八婆做，條八婆無得放正，我睇下你後唔後悔！

如果倫堅持要返星期日，我一定會話你之前講好左，反口又轉唔問我意願，我最多一拍兩散！

反正成班粉腸幫唔到我，我就唯有諗計仔！

2015.6.9不知所謂的a3

事實證明原來做好人又是永遠被蝦的一個，我自問對a3都ok丫，叫我做乜都做，工作上好少托手爭，小佢老味，過橋抽板、忘恩負義、出賣同事。。。

當初話合作團結要阿屏走，ok，而家佢終於都走左，又氹我落疊話反早新人反n，我ok，點之愈踩愈過，而家仲要反n更，我堅決反對佢竟然無動於衷，仲打算一拍兩散。

我自問3個ca當中算係最無意見多多架啦，點解佢要搞咁多小動作要同我樹敵？！我完全諗唔通點解佢要咁做，佢咁做有乜著數？！佢今日決定同我反面，ok，將來有乜事我一定唔會理，唔好諗住以後叫我幫下手呀，我同你嘅關係已經因為你出賣我而玩完，將來你自己要受反自己曾經出賣我嘅報應。

我好憎你，你係我入行以來認真去憎嘅第二個同事，你過橋抽板，更表上整古我，ok，我會記住你今日所做嘅事！

看開點才有好運

過左咁多日，憤怒都全熄，我覺得做人要看開點，應該話人地做衰野，自然會行衰運，佢幸運係因為福報未盡，我勉強鬥又何苦，根本就不能同上天鬥，而且尋日還完神後覺得觀世音菩薩大慈大悲心腸值得去學習，我雖然未能大愛我討厭的人，但至少我自己不能做一些衰野去報復。無視不理就已經夠，我比很多人幸運，何必跟不幸的人去比較？！

我只求我自己和老公，和自己家人身體健康、生活愉快、工作順心就已經夠。希望2015年會有新景象，會行好運，我會多做善事，希望以後一切順利！

還要多求菩薩，每次跟菩薩見面我都覺得菩薩好像是救世主一樣，我的煩惱全消，覺得菩薩再幫我脫離苦海一樣，好像所有事都放下，突然有所領悟。。。。

或者，我已看化了。。。

2014.12.22西屏損人利己實有惡報😄

今日上班俾西屏攞盡著數，我今次就算了，因為我需要有力的證據將來我可以用來拒絕！西屏做這些損人利己的事實在太多，就以12月及1月mark更表為例，話自己一定要放假，要我們讓佢，我ok，我知既然無得改變嘅事，就唯有順應天命，上天要我遷就她，那就當自己不能逆天意！但她所做的一切，上天會記錄低，做呢啲自私嘅事影響別人攞著數，其實做人做到咁折墮，念幾多經都無用。
佢一直都受緊報應，當然影響我不是太大，但令人不滿就一定是自私自利，我放長雙眼睇她的報應會在何時發生、愈做得衰野多，她一定愈受得更多報應，我雖然不憤她影響我在我身上取著數，但我現在一定會視她是個笨蛋，愈來愈多慘烈的報應發生在她身上，希望上天會懲罰她，直至她以後不再做傷害人的事。